Белгија е првата држава која го избра својот евровизиски претставник на следното издание на Евровизија – 32-годишниот Томас Мустин, познат по уметничкото име Мусти.
Мусти е голема ѕвезда во Белгија, пејач со два студиски албуми и актер кој ја освои публиката со улогата во претставата „Ромео и Јулија“ во театарот во Лиеж.
Исто така, тој е и судија во белгиското издание на шоуто „Drag Race Belgique“, исклучително популарна дрег франшиза.
во 2024 година, освен што ќе ја претставува својата земја на Евровизија, тој ќе глуми и во новиот филм на Мајкл Бланшар – „La nuit se traine“.
Како потсетување, 68. издание на Изборот на песна за Евровизија ќе се одржи 7, 9 и 11 мај 2024 година во Малме, Шведска. Оваа скандинавска држава е следната земја-домаќин на фестивалот по годинашната победа на пејачката Лорин со песната „Tattoo“.
