Македонската пејачка Антониа Гиговска беше една од најзабележителните гостинки на свечената прослава по повод годишнина од постоењето на една позната компанија, одржана во Скопје.
Со својот моден избор, 24-годишната ѕвезда успеа да украде многу погледи и да го задржи вниманието на присутните цела вечер.
Гиговска се појави во проѕирна, елегантно обработена креација која совршено ја истакна нејзината фигура. Синиот фустан со впечатливи, драматично оформени ракави е дело на дизајнерот Дејан Сидор, додека сребрените чевли се од брендот „Нејкед волф“, додавајќи уште еден слој гламур на нејзиниот изглед.
Пејачката на настанот пристигна заедно со својот сопруг, Роберт Спасенцовски – Џокер, со кого се венча во март минатата година.
