Македонската фолк-ѕвезда Анета Љумаковска, не престанува да ја интригира јавноста со својот приватен живот по разделбата од групата „Молика“.
Дека пејачката ужива во „втора младост“ и нова љубовна среќа, потврдуваат и нејзините најнови објави на социјалните мрежи.
На последната фотографија која ја сподели со своите фанови, Анета позира во опуштено, спортско издание заедно со својот партнер, музичарот Рубин Размо. Двојката, облечена во лежерни тренерки и капчиња, се фотографираше во лифт пред нивната секојдневна рекреација, со краток опис: „Time for a walk“ (Време за прошетка).
Откако јавноста дозна за нивната врска, Анета и Рубин станаа една од најкоментираните двојки на домашната естрада. Рубин Размо, кој е познат музичар и саксофонист, своевремено беше дел од составот на „Молика“, што значи дека двојката се познава со години. Сепак, љубовните искри се појавија многу подоцна, по разводот на пејачката.
Во едно од ретките интервјуа за својата приватност, Анета искрено изјави дека иако зад себе има долг брак, дури сега, покрај Рубин, се чувствува вистински вљубена „како за првпат“.
Рубин е нејзината најголема поддршка и на професионален план. Тој ја придружува на нејзините настапи низ земјата и дијаспората, а често патуваат и на романтични дестинации, од каде редовно споделуваат моменти на среќа.
