Пејачот Харис Џиновиќ повторно проговори за односот со поранешната сопруга Мелина Џиновиќ, откривајќи детали што предизвикаа реакции во јавноста.
По повеќе од две децении заеднички живот, нивниот брак заврши минатата година, а Џиновиќ тврди дека нивните деца биле запознаени со ситуацијата уште пред тој јавно да проговори.
„Тие тоа го знаеја многу пред мене. Додека таа беше во брак со мене, јас цел живот бев татко, домаќин, другар, пријател…“, изјави тој.
Во истата изјава, пејачот ја спомена Мелина со нејзиното моминско презиме Галиќ, потенцирајќи и дел од нејзин став од минатото поврзан со финансиите.
Неговите зборови дополнително ја разбрануваа јавноста, особено поради начинот на кој зборуваше за семејните односи.
Во друга изјава, Џиновиќ реагираше и на свадбата на неговата поранешна сопруга со британскиот бизнисмен Џефри Пол Арнолд Деј, нагласувајќи дека не го интересираат нејзините приватни одлуки.
„Не ме интересира што се пишува, ниту што се случува. Јас одамна се свртев кон својот живот“, изјави тој.
