Холивудската суперѕвезда Анџелина Џоли, која го претстави филмот „Марија“ на филмскиот фестивал во Венеција, е забележана во друштво на британскиот рапер и активист Акала, пишува People.
Двојката била видена како го напуштаат хотелот во кој престојувале заедно.
Akala dating Angelina Jolie was not on my 2024 bingo card 🤣 pic.twitter.com/LR0a6NrbxP
— TMC Music Connoisseur 🇯🇲 WATCH S2TIMES 🤩 (@MusicConnoisseu) August 29, 2024
На социјалните мрежи веднаш се проширија гласини дека постои љубовна афера меѓу 49-годишната актерка и 40-годишниот музичар, но извори блиски до познатите ги демантираат шпекулациите. Според нив, Џоли е само блиска пријателка со Акала и неговата девојка Шанел, која исто така била во Венеција.
„Тие ја делат истата страст кога станува збор за социјалните и хуманитарните прашања. Тие имаат направено неколку соработки во текот на годините за глобални прашања како што се човековите права. Енџи зборува со голема почит за него“, вели извор за Пипл.
Списанието „In Touch“ претходно тврдеше дека актерката се забавувала со музичарот „повеќе од една година“. Сепак, извор на People тврди дека Џоли „моментално е сингл и не излегува со никого сериозно“.
Првпат почна да се зборува за романсата на ѕвездите во мај минатата година, кога Акала им се придружи на Џоли и нејзините ќерки Захара и Шајло на литературниот фестивал Калабаш во Јамајка. Според очевидец, тој „само се грижел за нив и ги штител“.
Angelina Jolie and Akala at Kings Bookshop
-Calabash Literary Festival on Saturday in Jamaica-
Via: Alecia M pic.twitter.com/X5wTQXZ7Un
— ✨Raquel & her Minions✨ (@THENAGODOFWAR) May 30, 2023
Шест месеци подоцна, Џоли и Акала повторно беа „уловени“ од папараците во Милано, каде што вечераа заедно.
Angelina Jolie and Akala. 😊 pic.twitter.com/TptA58yWbl
— K🎱 (@lyntwig_) November 29, 2023
Акала – односно Кингсли Џејмс Меклин Дејли – кариерата ја започна како рапер пред да се сврти кон политички активизам, поддржувајќи го поранешниот лабуристички пратеник Џереми Корбин на изборите во Обединетото Кралство во 2017 година. Неговата постара сестра е исто така позната пејачка и раперка Ms. Dynamite. Таа имаше низа хитови во раните 2000-ти со нејзиниот деби албум A Little Deeper, кој ја освои престижната награда Mercury Music Prize.
