Силвија Стојановска е една од нашите најпознати актерки, сопруга на покојниот бард на македонското глумиште Ненад Стојановски, мајка на актерките Ана и Јана Стојановски. Стојановска. Во еден период, таа беше директорка на Драмски театар во Скопје.
Во 2019 година, Стојановска во Кривичниот суд доби ослободителна пресуда, откако беше обвинета за шверц на кокаин.
Претходно Апелациониот суд донесе одлука да го врати на повторно судење предметот во кој актерката Стојановска со првостепена пресуда беше осудена на три и пол години затвор за делото кое ѝ се става на товар: шверц на 700 килограми кокаин од Колумбија во Шпанија.
Според второстепените судии, не се докажала поврзаноста помеѓу првообвинетиот Будисављевиќ и актерката Стојановска, за конкретното кривично дело. Претходно, таа беше во куќен притвор.
Актерката по овој лош период од својот живот му се посвети на семејството и ретко беше активна на социјалните мрежи. Таа неодамна на Фејсбук објави своја слика во костим за капење, како седи на скали во некое летувалиште, а пријателите ѝ коментираа дека одлично изгледа.
