Британската пејачка Адел и официјално ја потврди свршувачката со Рич Пол за време на настапот во Минхен, пишува „Пипл“.
Adele Finally Seems to Confirm Engagement After Fan Proposes: ‘I Can’t Marry You, I’m Already Getting Married’ https://t.co/lQuxZbFDJ2
— People (@people) August 9, 2024
Актерката им кажа на обожавателите дека „се сврши“ директно од сцената, покажувајќи го својот дијамантски прстен и ѝ се обрати на толпата во специјално изградената арена на отворено со 80.000 седишта.
Пејачката пред публиката прочитала натпис на кој пишувало „Дали ќе се омажиш за мене?“, па одговорила: „Не можам да се омажам за тебе затоа што веќе се мажам!“
36-годишната пејачка и 42-годишниот спортски агент Рич Пол, кои се во врска од 2021 година, тајно се свршија минатиот месец откако тој ја запроси во нејзиниот роден Тотенхем, северен Лондон.
И покрај повеќемесечните гласини дека Адел и Рич веќе се во брак, сега се откри дека парот всушност само што се свршил.
Тие за прв патја објавија својата врска во јули 2021 година, кога седеа заедно за време на натпревар на НБА. Добитничката на голем број музички награди одамна носи дијамантски прстен во облик на круша на прстот од левата рака.
Адел го запознала Рич на роденденска забава на заеднички пријател.
Британската славна личност најде сила да го преживее тешкиот развод од нејзиниот поранешен сопруг Сајмон Конецки, на кого му го роди синот Анџело и да ја надмине зависноста од алкохол. Сега сите ја чекаат нејзината венчавка со спортскиот агент Рич Пол.
