Некои од обожавателите на американската пејачка Гвен Стефани останаа шокирани кога дознаа дека таа неодамна наполни 53 години, а се уште изгледа како да е многу млада.
„Гвен Стефани или не старее или е замрзната“, „Ве молам дозволете ми да остарам како Гвен Стефани“, „Би сакал да имам генетика како неа“ пишуваа корисниците на Твитер.
Поради убавината и младешкиот изглед таа и порано беше во центарот на вниманието, па во една прилика ја сподели својата тајна како да се постигне она што изгледа како вечна младост.
Додека се возеше со славниот водител Џејмс Корден, познат по тоа што интервјуира познати личности во автомобил, Стефани се отвори и зборуваше за нејзиниот изглед, а многумина беа изненадени зашто заслугите за тоа му ги припиша на „вљубувањето“.
View this post on Instagram
На почетокот на оваа година, во интервју за Форбс, таа зборуваше за истото прашање и нагласи дека се работи за едноставност, доследност и дисциплина.
-Негата на кожата отсекогаш ми била прилично едноставна и минимална. Мојата утринска рутина главно вклучува молитва, миење заби и хидратација. Повремено правам масажа на лицето за да ги намалам отоците, доколку се појават, откри пејачката и додаде дека секогаш внимава да не си легне нашминкана, па секогаш пред спиење ја вади шминката и нанесува хидратантна крема на лицето.
-Единственото правило за нега на кожата што ми се допаѓа, особено како што стареам, е хидратацијата. Сакам мојата кожа да изгледа исклучително свежо за разлика од оној мат, претерано сув и напудрен изглед, рече таа.
Стефани ја истакна и важноста на заштитата на кожата од сонце.
-На мојата помлада верзија би ѝ порачала да не излегува на сонце и да става крема за сончање, заклучи таа.
View this post on Instagram
