Македонскиот пејач живее во САД, Васил Гарванлиев, отворено зборува дека неговиот партнер, американскот невропсихолог Џејсон со кој живее во Чикаго, му е важна поддршка.
„Се запознавме на Тиндер. Почнавме разговор, и потоа договоривме средба. Дојде да ме земе, од студио, и јас се „изглупирав“ на првата средба. Мислев дека прозорецот од колата му е отворен, а тој бил спуштен, и јас кога се доближив да го поздравам, го лижнав прозорецот.
Ете, тоа сум јас. Се одвиваше многу спонтано. Клише е ако кажам, знаев од почетокот, и двајцата знаевме. Си реков: „Дојдов во Америка на кратко“, но ова ќе ми промени сѐ “, рече Васил за Еспресо претходно.
Засега, тој нема планови да се врати и да живее во Македонија, но вели дека би сакал, и тој и Џејсон да имаат живеалиште и тука, кога ќе дојдат заедно.
На една од своите понови слики, Гарванлиев кој е по потекло од Струмица ужива во убавините на Чикаго и во топлото време, а уште една слика открива како пејачот убаво живее, сончајќи се покрај луксузен базен со палми околу него, а ова место изгледа навистина опуштено и егзоитчно.
