По 16 години брак, тие ставија точка на нивната врска.
Регионалната дива Јелена Карлеуша и нејзиниот поранешен сопруг, фудбалскиот менаџер Душко Тошиќ се разведоа со заедничка согласност по 16 години брак.
Популарната ЈК не криеше дека таа и нејзиниот избраник со години не живеат како брачен пар, а преку својот профил на социјалната мрежа Инстаграм ги обелодени деталите од договорот кој го потпишале.
View this post on Instagram
-Потпишав спогодбен развод по 16 години. Сама. Наспроти мене на сликата се мојот адвокат Милан Атељевиќ и овластениот адвокат на мојот сегашен сопруг кој не дојде. Не прашав зошто. Поради разни медиумски и социјални шпекулации, ќе додадам дека целиот заеднички имот (стекнат во брак) оди на нашите деца, Атина и Ника. Јас сум старателка на нашите деца. „Другата страна“ немаше поинаков предлог. Иако некои многу мудри велат дека за доброто на децата бившите сопружници треба да бидат во коректни односи, јас веќе не сакам никаква врска или контакт со претходниот период од животот освен кога се работи за живот и смрт. Во тој случај веројатно и ќе загинам. Па, секој може да има деца, тоа е лесно, секој може да се ожени, но не може секој да биде сопруг. Мажот е тој што стои до сопругата како што се вели при потпишувањето на брачниот договор – во добро и во лошо… и за жал или за среќа, животот ме „награди“ со сила да ги надминам сите проблеми, подеми и падови, низ морето на злото, солзите и лошите луѓе сите изминати години… Одам сама знам. Тешко е да стоиш покрај мене, тешко е да одиш покрај мене и уште потешко да застанеш пред мене. Претпоставувам затоа што сум толку страшна. Често велат дека сум ЛУДА, веројатно се во право. Затоа до мене отсега може да стои само ЛУД. Како мене. Не прифаќам ништо помалку. Да ме, како што јас знам, сака ЛУДО, дури и кога цел свет ме мрази. Немам што повеќе да додадам, другар судија. Одиме понатаму – напиша Јелена.
Како што и самата потврди, целиот заеднички имот ќе им припадне на нивните наследници Атина и Ника Тошиќ.
