Србија е во фудбалска еуфорија, а вечерва избраниците на Драган Стојковиќ Пикси ќе го играат првиот меч на Мундијалот, и тоа против селекцијата на Бразил, еден од најголемите фаворити за трофејот во Катар.
Претседателот на Србија, Александар Вучиќ изјви дека вечерва сите ќе навиваат за Србија, во Црна Гора, на Косово, Македонија.
„Нема зошто да кријам. На последното Европско првенство јас и сите во Србија навивавме за Македонија. Сега е време и браќата Македонци да ни ја дадат поддршката на ова Светско првенство. Уверен сум дека и вечерва против Бразил ќе навиваат за Србија“, изјави претседателот на Србија.
Натпреварот меѓу Бразил и Србија се игра вечерва (20 часот) на стадионот „Лусаил“ во Доха.
