Емина Јаховиќ и Мустафа Сандал, седум години по нивниот развод, повторно се најдоа лице в лице. И тоа на суд во Турција.
Како што турските медиуми пишуваа со ознаката „ексклузивно“ во изминатите неколку дена, Емина поднела нова тужба, тврдејќи дека нејзиниот поранешен сопруг не ги исполнил своите обврски од договорот за развод. Меѓу другото, ова вклучува доцнење во исплатата на алиментацијата и одбивање да се обезбеди автомобил за неа и децата кога им е потребен.
Турските медиуми сега објавија нови детали од нивниот договор од 2018 година, па во таа прилика било договорено дека пејачката ќе го добие старателството над децата, како и дека ќе добие два милиони долари од продажбата на заедничката куќа во Бејкоз и 500.000 долари за образованието на децата. Покрај ова, Мустафа се обврзал да им купи стан во Србија и редовно да плаќа алиментација. Сепак, според тврдењата на Јаховиќ, Сандал не ги исполнил тие обврски.
Поранешните сопружници се сретнаа неодамна на семејниот суд во Истанбул. Според извор запознаен со целата приказна, таа потоа истакнала дека поднела тужба и била принудена да го преземе овој чекор бидејќи неплаќањата на Сандал и непочитувањето на договорот ја направиле оваа правна акција неизбежна.
Како што објавуваат локалните медиуми, ова не е прв правен конфликт меѓу Емина и Мустафа за пари. Во 2022 година, Јаховиќка покрена извршна постапка против Сандал поради неплатени 26 исплати на алиментација, но потоа тужбата беше отфрлена откако пејачот ја докажа исплатата од 1,8 милиони турски лири (околу 115.000 евра).
За потсетување, Емина и Мустафа се разведоа во 2018 година, по 10 години брак.
– Мустафа не плаќал алиментација повеќе од две години. Сите одговорности ми префрлија мене. Требаше да купи куќа во Белград, но не го направи тоа. Тој спор продолжува и ќе продолжи. Во мојот случај, станува збор само за принципот што мора да се почитува и одговорноста што мора да се преземе. Сè уште сме на суд. Адвокатите си ја работат својата работа, јас не се мешам. Сè уште сме на суд и се надевам дека правдата ќе победи. Тој не е во никаква криза. Еве, ако еден ден има финансиски проблеми, ќе работам за него бесплатно – му рече Емина на Стори едно време, а потоа призна дека луѓето во Турција не се објективни во ова прашање.
– За жал, тие не се објективни. Речиси сите написи во весниците секогаш се на страната на мојот поранешен сопруг, случајно или намерно. Но, одамна престанав да се грижам. Едноставно повеќе не ме засега – призна Емина.
