– Продолжува долгиот период на стабилно, суво и сончево време со мала локална облачност. Ќе дува слаб до умерен ветер од северен правец. Температурите до среда ќе се искачуваат во интервалот од 26 до 35 степени, додека од четврток па натаму истите ќе бележат тенденција на ГОЛЕМ ПОРАСТ, и тоа поради влијанието на ЕКСТРЕМНО ТОПЛАТА ВОЗДУШНА маса од Африка. Тогаш температурите насекаде ќе надминуваат 30 степени, додека во најтоплите предели истите ќе се искачат до 40 степени. Локално во овие предели температурите се очекува да надминат дури и 40 степени. Ув – индексот ќе има ЕКСТРЕМНО ВИСОКА вредност и ќе изнесува коефициент 10, па затоа на граѓаните им советувме да се заштитуваат од лошото влијание на сонцето, но и да пијат што повеќе течности.
Во Скопје и околината времето во следните денови ќе биде стабилно, суво и сончево со мала локална облачност. Ќе дува слаб до умерен ветер од северен правец. Температурите ќе се искачуваат во интервалот од 31 до 33 степени, додека од четврток истите ќе надминуваат 35 степени.
НАПОМЕНА: Поради ЕКСТРЕМНО ВИСОКИТЕ температури кој се очекуваат во следниот период, и тоа особено од четврток па натаму, препорачуваме да внимавате на природата и да избегнувате движење во шуми, со цел да не дојде до евентуална појава на пожари, вели метео прогнозерот Славчо Попоски.
