Експертот за читање усни Џеки Прес открива што му рекол принцот Вилијам од Велс на својот помлад брат принцот Хари и неговата сопруга Меган Маркл пред ковчегот на кралицата Елизабета Втора, пренесува дејли меил.
Џеки Прес го привлече вниманието на јавноста толкувајќи го краткиот разговор меѓу браќата – принцот Вилијам и принцот Хари – за време на погребната служба за Елизабета Втора во капелата Свети Џорџ во Виндзор.
„Дали први да поминеме?“ – принцот Хари го прашал својот постар брат, сакајќи да седне на клупата до семејството Тиндал (Зара, Мајк и нивните ќерки).
Принцот Вилијам одговорил потврдно и се свртел кон сопругата Кејт Мидлтон, обраќајќи ѝ се со зборовите: „Прво нека одат тие“. Таа се согласила и ги оставиле војводата и војвотката од Сасекс да продолжат први да одат.
