Претседателскиот кандидат на Движењето Европа сега, Јаков Милатовиќ, освои 60 отсто од гласовите во вториот круг од претседателските избори во Црна Гора, покажуваат проекциите на Центарот за мониторинг и истражување (ЦЕМИ) врз основа на 90 проценти отсто од обработениот изборен материјал.
ЦЕМИ соопшти дека 40 отсто гласале за претседателскиот кандидат на Демократската партија на социјалистите (ДПС), Мило Ѓукановиќ.
Според податоците на Центарот за демократска транзиција, во вториот круг од претседателските избори гласале околу 383,3 илјади гласачи или 70,7 отсто.
Јаков Милатовиќ има 37 години и е економист, поранешен министер за економски развој во првата влада формирана по парламентарните избори одржани во август 2020 година, на кои Демократската партија на социјалистите (ДПС) на Ѓукановиќ го загуби мнозинството во парламентот за првпат по три децении.
Милатовиќ е третиот претседател на Црна Гора од независноста во 2006 година.
Тој дипломирал со десетка на Економскиот факултет на Универзитетот во Црна Гора, а магистрирал на Оксфорд. Оженет е и е татко на три деца.
