Пејачка Едита Арадиновиќ, која е во осмиот месец од бременоста, одлучила да направи голема промена во животот и да купи недвижност на Авала.
Иако неодамна ја средуваше собата на бебето, таа сепак се сели надвор од Белград во потрага по помирна средина.
Едита преку Инстаграм ги изненади своите следбеници со веста за купување куќа која во моментот е во изградба.
– Сфатив дека не барам адреса, туку мир, малку повеќе природа, малку повеќе небо и чувство како да сум дома. Луѓе, која будала купува недвижност во осмиот месец од бременоста? Јас! Нема да верувате каква локација најдов – рекла Едита.
Таа потоа на социјалните мрежи покажала како изгледа целиот комплекс со исти куќи и голем двор со базен, па открила дека едвај чека тука да се всели со наследничката која треба да се роди.
– Да, веќе можам да замислам како си играм тука со мојата ќеркичка и како моите кучиња трчаат тука. Се надевам дека по ова нема да имам никакви соседи од естрадата, се шегувам – рекла пејачката.
Инаку, Едита брои ситно до породувањето, а сега сподели со своите придружници дел од атмосферата од домот и покажа како ја уредила собата за својата наследничка.
Едита очигледно ништо не оставила на случајноста, па затоа во собата за нејзиното бебе доминира нереален, рачно насликан мурал со мотиви од жирафи и тропски цвеќиња.
