Иако во изминатиот период се шпекулираше дека врската меѓу Душко Тошиќ и Нора е завршена, најновите фотографии што ги објавија српските медиуми повторно ги разгореа приказните за нивното помирување.
Двајцата биле забележани на ручек во луксузен ресторан на Дедиње. Според очевидци, Тошиќ пристигнал прв, а Нора се појавила околу 15 минути подоцна, влегувајќи низ друг влез. Наводно, сопственикот на ресторанот лично ги одвел до масата, која била сместена на место заштитено од љубопитните погледи на останатите гости.
Иако не покажувале нежности во јавност, нивното заедничко појавување беше доволно за да поттикне нови коментари дека меѓу нив повеќе нема несогласувања. По ручекот, тие го напуштиле ресторанот заедно и заминале со автомобилот на Тошиќ.
Гласините за прекин на врската почнаа откако двајцата престанаа да се следат на социјалните мрежи, а од неговиот профил исчезна и фотографија на која позираа прегрнати. Дополнителни сомнежи предизвика и објавата на Нора, која сподели видео од возење во автомобил, проследено со песната „Добро дошао у мој заборав“ од Ана Николиќ.
Сепак, претходно Нора во разговор со медиумите отворено призна дека е среќна покрај Тошиќ.
„Среќна сум и вљубена во Душко“, изјави таа тогаш со насмевка.
Засега ниту Душко ниту Нора јавно не ги коментираа новите фотографии и наводите за помирување, па останува нејасно дали станува збор за обновување на врската или само за пријателска средба. Сепак, нивното заедничко појавување повторно го привлече вниманието на јавноста и ги поттикна шпекулациите дека љубовната приказна можеби добила ново продолжение.
