Луксузната модна куќа Диор бара отштета од 100 илјади евра за пропуштените купувања во луксузната продавница за време на настанот организиран од конкурентната модна куќа Валентино на Пјаца ди Спања.
View this post on Instagram
„Невозможно е да се влезе во бутик“. На Диор не му се допадна ревијата на Валентино на Шпанските скали во Рим. Настанот го спречил сообраќајот на пешаците пред неговата продавница, која е на неколку десетици метри од Фонтана дела Баркача.
Поради оваа причина, според магазинот WWD, објавено од Диет Прада, брендот побарал од модната куќа Валентино отштета од 100 илјади евра. Според Диор, Валентино добил дозвола за ревијата гарантирајќи „редовен пешачки сообраќај до продавниците“, околност што во голема мера била игнорирана.
Надоместокот мора да биде исплатен во рок од 15 дена во спротивно Диор ќе преземе правни мерки.
Пред познатите Шпански скали има излози на најразлични брендови, „од чевли Кампер до Шанел, но очигледно Диор прв се пожалил“, коментираат експерти во секторот.
Инстаграм списанието Диет Прада прави и малку математика.
„Во 2018 година, Диор СА беше на листата на Форбс како најголема модна групација во светот и во 2021 година имаше обрт од 64 милијарди евра, наспроти околу 1,2 милијарди евра за Валентино. Се вели дека „кутур“ облеката на Диор чини околу 100.000 долари па нагоре, па финансиската одмазда изгледа ситна… да не зборуваме за трошоците за лошиот маркетинг. Леле, каква смеа“, саркастично се заклучува на Инстаграм профилот.
View this post on Instagram
