Американската актерка Џулија Фокс изјавила дека се забавувала со Канје Вест само за да го држи подалеку раперот од Ким Кардашијан, пишува Пејџ сикс.
32-годишната актерка призна дека е голем обожавател на семејството Кардашијан-Џенер и дека „отсекогаш ја сакала“ особено Ким. Според Џулија Фокс, таа одговорила на додворувањето на Канје Вест за да ја спаси Ким Кардашијан од него.
„Ким, Кортни и Клои се моите омилени девојки. И си помислив: „О Боже. Можеби можам да го одземам Канје од животот на Ким? Знаев дека ако некој може да го направи тоа, тоа сум само јас, бидејќи кога ќе помислам на нешто, јас го правам тоа“, рече актерката во новото видео на TikTok.
Џулија Фокс додаде дека не одговорила на првите обиди на Кејн Вест да ѝ се доближи.
„Ми пишуваше пораки, но јас не одговорив. Затоа што не сакав повторно да излегувам со славна личност. Ништо не излегува од тоа… Ѕвездите се секогаш малку здодевни, а воопшто не се како што ги замислувате“, изјави актерката.
