Иако Клуни беше, а според некои сѐ уште е најсекси маж во Холивуд, тој не можеше да ѝ одолее на убавината на либанско-британската адвокатка Амал.
Тие се запознаа во неговата вила во романтичната Италија и неразделни се од 2013 година.
Главен „виновник“ за запознавањето е агентот на Клуни, Брајан Лорд, кој на денот на средбата му соопштил дека наскоро со него на езерото Комо ќе пристигне и девојката со која актерот ќе се ожени. Иако се насмеал на тоа, кога Лорд се појавил со занесната Амал, Клуни останал без зборови.
„Разговаравме цела ноќ и почнав да ѝ пишувам купишта писма“, рече Клуни, откривајќи дека користел некои техники од „старата школа“ за да ја придобие девојката.
Изгледа техниката „молив на хартија“ успеала затоа што еден од најубавите холивудски парови се венчаше за помалку од една година по првата средба.
Актерот откри дека и сега не недостига романтика во нивниот дом – тие сѐ уште си пишуваат писма и си ги оставаат на перниците.
