Ќерката на пејачот Харис Џиновиќ, Џина, е во центарот на вниманието откако татко ѝ јавно ја спомна и откри дека не се блиски. Харис рече дека, по разводот од Мелина, со ќерката не е „во нормални односи“, додека Џина сега објави видео од едно од патувањата. Таа се снимаше во Шпанија и покажа како средена шета низ улиците на Барселона.
Џина покрај мајка ѝ Мелина
Џина често ја фали мајка ѝ, а во хаосот што настана по разводот на нејзините родители, јасно стави до знаење дека најважно ѝ е мајка ѝ да биде добро.
„Мајчице моја, денес е ден кој секогаш ќе го славам погласно, посреќно и поблагодарно од кој било друг, затоа што денес е денот кога Бог ми те подари … Не постои збор што може да опише колку сум благодарна што токму ти си моја мајка. Секое твое движење, твојата сила, елеганција и неверојатната способност во секоја ситуација да останеш достоинствена ме оставаат без здив“, напиша Џина во роденденската честитка за мајка ѝ пред неколку дена.
Џина за тешките моменти: „Не знам што би без мајка ми …“
„Се восхитувам на твојата храброст, карактер и љубовта што искрено ја даваш … Искрено се надевам дека еден ден ќе имам барем третина од она што ти го носиш во себе … Не знам како би ги пребродила многу моменти без тебе. Ти си мој столб, моја надеж, мое огледало и моја најголема инспирација. Те сакам бескрајно и засекогаш ќе те славам, не само денес, туку секој ден од мојот живот. Среќен роденден, мајко. Те сакам најмногу“, напиша Џина за својата мајка.
Харис, инаку, се осврна и на разводот со Мелина, кој беше широко пропратен во медиумите, додека таа сè уште молчи за тоа.
„Можеби не ѝ недостасува ништо. Можеби нема што да каже, па е подобро да молчи. Таа никогаш не сакаше да разговара за борбата за бракот. Не сум ни со ќерката во нормални односи. Никаде не е совршено, ниту во една фамилија“, искрено рече пејачот во емисијата „Премиера – викенд специјал“, при што индиректно ја спомна и Џина.
Да потсетиме, поранешната сопруга на Харис Џиновиќ, Мелина Џиновиќ, неодамна се сврши со богат бизнисмен во Монако, а нејзиниот партнер пред само четири месеци доби дете.
„Новото момче на Мелина во јуни доби дете со убава и млада Украинка. Со неа беше кратко во врска која ја прекинале за време на нејзината бременост. И покрај тоа, тој не дозволи тоа да влијае на односот со детето, кое веднаш по раѓањето го призна“, изјави соговорник, нагласувајќи дека модната креаторка започнала врска со него кога бил слободен.
