Сакам да соберам еден куп пари и потоа да им ги дадам на луѓето непосредно пред да се кандидирам за претседател. Замислете, имате 10 милијарди долари и ги дадете на луѓе. Тогаш можам да кажам имав сè и тоа им го дадов на луѓето. Тоа е прилично моќна работа.
Ова го изјави најпопуларниот јутјубер Џими Доналдсон кој најави дека има план да се кандидира за претседател на САД.
„Ќе се кандидирам на возраст од околу четириесет години. Мислам дека претседателите се премногу стари. Додека јас планирам да се кандидирам, старите луѓе ќе умрат па претежно би гласале луѓе на моја возраст. Време е за помлади претседатели“, изјави Доналдсон.
Според престижното списание „Форбс“, 24-годишниот јутјубер заработил 54 милиони долари во 2021 година, а неговата нето вредност моментално е 25 милиони долари.
Наводно, тој заработува околу 5 милиони долари месечно, што го прави најплатениот создавач на содржина на Јутјуб.
