Манекенката Џиџи Хадид не мисли да гради сериозна врска со актерот Леонардо ди Каприо, пишува Пејџ сикс.
Инсајдер за „Пејџ сикс“ изјавил дека 27-годишната манекенка одбила сериозна врска со 48-годишниот актер, бидејќи целосно се фокусирала на воспитувањето на нејзината ќерка, која ја родила од нејзиното поранешно момче, музичарот Зејн Малик.
„Лео и Џиџи навистина се сакаат, но ниту еден од нив не е подготвен за сериозна врска во моментов. Приоритетите на Џиџи се нејзината ќерка“, објаснил изворот кој е близок на парот.
Тој додаде дека на одлуката на Хадид влијае и презафатениот распоред на Ди Каприо.
„Џиџи едноставно нема енергија да трча по него. Неговиот ритам е премногу брз за неа“, вели инсајдерот.
Гласините за романсата на Џиџи Хадид и Леонардо ди Каприо првпат се појавија во септември оваа година, кога парот беше уловен од фотообјективите на папараците, додека Лео и Џиџи беа на забава на Модната недела во Њујорк. Потоа, актерот и манекенката неколку пати беа забележани заедно, но тие самите не ја коментираа нивната врска.
