Американската актерка и пејачка Џесика Симпсон по породувањето се бореше со многу вишок килограми, но и со анксиозност и депресија.
Но, благодарение на својата силна волја успеа да ослабе неверојатни 45 килограми.
Таа во интервју за „Екстра“ откри како и успеало тоа.
– Отидов кај нутриционист и морав да ги корегирам моите навики во исхраната. Откако ослабев 45 килограми, се чувствувам како старата јас, пред да ги родам децата – изјави Симпсон.
Таа истакна дека се чувствува многу помладо и има повеќе енергија, а за да ја одржи моменталната состојба мора строго да се придржува до планот на исхрана. Благодарение на нејзиниот личен тренер, актерката научила да ја балансира исхраната.
– Тоа значи дека имам три оброци во текот на денот, со цел телото да работи. Исто така, дополнително пијам смути и протеински пијалоци – изјави Симпсон.
