Џереми Ренер конечно е дома. 52-годишниот актер е отпуштен од болницата во која беше од 1 јануари по несреќата која ја имаше при чистење снег.
Ренер беше хоспитализиран на почетокот на новата година а по неколку дена, постирајќи фотографија на Инстаграм тој самиот ги увери пријателите и обожавателите ширум светот за неговата здравствена состојба која уште од првите изјави изгледаше многу сериозна.
И покрај лошата несреќа (траума на градниот кош и отежнато дишење) и стравот предизвикан од последиците, актерот никогаш не престана да биде активен на социјалните мрежи и да им пренесува новости за ситуацијата на своите обожаватели, смирувајќи ги дека ќе биде добро. Тој покажа благодарност и до сите членови на одделот кадешто беше хоспитализиран и докторите кои се грижеа за него.
Сега е дома , но ќе мора извесен период да одмора, пред да е подготвен да се врати на снимања што е можно поскоро.
Ренер откри дека можел дома да ја гледа премиерата на втората сезона на „Градоначалникот на Кингстаун“, во која глуми.
„И покрај зашеметеноста, бев многу возбуден да ја гледам првата епизода од втората сезона со моето семејство дома“, напиша актерот на Твитер.
Mike and Iris found calm among the chaos. The #MayorOfKingstown season 2 premiere is available NOW on @paramountplus. #ParamountPlus pic.twitter.com/QHnwaDRZTz
— Mayor of Kingstown (@kingstown) January 15, 2023
