Актерката Драгана Варагиќ се прослави со улогата на Јагодинка во култниот филм „Варљиво лето 68.“. Иако тогаш сите ѝ предвидуваа блескава кариера, таа се повлече од јавноста, а публиката имаше прилика да ја види на малите екрани дури минатата година.
Драгана Варагиќ тогаш во серијата „Сабја“ го толкуваше ликот на Бранка Милетиќ, жена вработена во Државна безбедност.
Многумина тогаш не ја препознаа и не можешеа да поверуваат дека станува збор за истата личност.
Инаку, актерката во текот на деведесеттите живееше во Канада, каде работеше како професор по глума.
Улогата во „Варљиво лето“ сама ја одбрала
Во едно интервју, таа изјавила дека улогата во филмот ја избрала сама, и дека од Паскалјевиќ само побарала Јагодинка да пее мексиканска песна и да има нишки акцент.
„Веќе не ми се обраќаат и не ми викаат на улица Јагодинка. Денес на таа улога гледам со насмевка. Добив можност сама да го бирам нејзиниот акцент и песните што ќе ги пее. Младата пекарка ми беше драга, бидејќи е симпатична, нежна и комична“.
