Дејвид Бекам се приклучил во километарскиот ред за да и оддаде почит на кралицата Елизабета Втора.
Англискиот спортист Дејвид Бекам (47) среде ноќ застанал во редот за да го погледне ковчегот на кралицата во лондонската Вестминстерска сала.
„Мислев дека ако дојдам во 2 часот по полноќ редот ќе биде помал, ама се излажав“, се пошегува тој за Скај њуз, а подоцна додаде: „Посебно е да се биде овде“.
„Пораснав во благородничко семејство и така сум воспитан. Да беа денес живи моите баба и дедо, знам дека би сакале да бидат тука”, објасни Бекам. „Значи, јас сум тука во нивно име и во име на моето семејство и очигледно со сите други овде.
Светски познатиот фудбалер знаел дека денот кога ќе умре кралицата ќе биде мачен.
„Тешко е за нацијата, тешко е за сите во светот затоа што мислам дека сите го чувствуваат тоа. Нашите мисли се со семејството и очигледно со сите овде денес“, рече тој.
Додека чекал во редот Бекам уживал во приказните што луѓето ги раскажувале за кралицата Елизабета Втора.
Поранешниот капитен на Англија изјави дека имал голема среќа што ја запознал кралицата и ја сретнал многу пати во неговата кариера.
Во 2003 година Бекам ја доби наградата „OBE“ за неговиот придонес во фудбалот, OBE е кратенка за Офицер на Редот на Британската Империја.
Тој изјави дека тоа бил неговиот најпосебен момент со кралицата. „Ги земав баба ми и дедо ми со мене, кои навистина ме воспитаа да бидам голем ројалист и обожавател на кралското семејство, па сакав да бидат таму, а таму беше и мојата сопруга. Ѝ поставував прашања и разговарав со неа, бев многу среќен што имав неколку такви моменти во животот, што бев покрај нејзиното височество“.
„Ова е тажен ден, но и ден да се потсетиме на неверојатното наследство што таа го остави зад себе“, додаде тој.
„Сите сакаат да бидат тука за да бидат дел од овој историски момент и да го слават она што Нејзиното Височество го направи за нас.
После 13 часа, Бекам конечно го видел ковчегот на кралицата Елизабета Втора. Скај њуз објави дека тој бил во солзи после тој посебен момент.
‘I was so lucky I was able to have a few moments in my life to be around Her Majesty
‘A sad day but it’s a day to remember the incredible legacy she left’
David Beckham told ITV News’ @neilconneryitv he’s queued 12 hours to see the Queen Lying in Statehttps://t.co/tMtgIn9Bst pic.twitter.com/vPYR8SObXB
— ITV News (@itvnews) September 16, 2022
