Станаа познати нови детали од разводот на Хју Џекмен и Дебора-Ли Фурнес. Како што се испостави, одлуката за разделување беше донесена „по многу размислување“.
Извор близок до парот изјави за People дека поранешните љубовници се „уништени“ и дека раскинувањето е многу тешко за секој од нив.
„Тоа не беше ненадејна одлука – тие поминаа многу време и добро размислија. Оваа одлука ја донесоа заедно. Сега секој оди по својот пат, но тие секогаш ќе бидат семејство. Тие секогаш ќе бидат родители и најдобри пријатели. “, изјави инсајдерот.
Хју (54) и Дебора (67) имаат две посвоени деца: Оскар (23) и Ава (18).
View this post on Instagram
Да потсетиме дека Џекмен и Фернес преку заедничка изјава објавија дека се разведуваат по 27 години брак. „Имавме среќа што живеевме заедно речиси три децении како маж и жена во прекрасен брак полн со љубов. Нашиот пат се менува и решивме да се разделиме за да продолжиме со сопствениот развој“, се вели во објавата за развод.
View this post on Instagram
Според извор на Дејли Мејл, на врската на двојката негативно влијаело изолирањето за време на пандемијата на коронавирус и тековните штрајкови на холивудските актери и сценаристи. Инсајдерот рече дека во последниве години, љубовта меѓу Хју и Дебора почнала да се претвора во пријателство и конечно пропаднала за време на изолацијата за Ковид.
Хју Џекмен и Дебора-Ли се запознале на снимањето на австралиската ТВ серија Корели, а помалку од една година подоцна, на 11 април 1996 година, се венчале. Двојката последен пат заедно се појави на црвениот тепих на Мет Гала на 1 мај, а во јули присуствуваа на машкото финале на Вимблдон.
