Во новата епизода на хрватски „Ин магазин“ во четвртокот, пејачката Данијела Мартиновиќ (51) проговори за новата песна „Им верувам на луѓето“ за која пред неколку дена објави видео.
Таа откри и како ја освоил нејзиното ново момче, загрепскиот полицаец Јосип Плавиќ.
– Од првиот момент кога Зоран Мишолонгин ми ја донесе песната да ја слушнам, веднаш ми звучеше како некаква ода за луѓето, односно за доброто што живее во срцата – изјави Данијела.
Првата средба со нејзиното ново момче Јосип се случила, вели таа, пред една година кога на интернет и го украле идентитетот. Ангажирала адвокат бидејќи првпат наишла на вакво искуство, а адвокатот и рекол дека случајот мора да го пријават во полиција. Случајот дошол до бирото на Јосип, и брзо бил разрешен, а потоа почнала да се развива нивната приказна.
Даниела верува дека се се случува во вистинско време, а открива и со што Јосип ја освоил.
– Тој е навистина посебен, различен, неговиот поглед на животот, да речеме, многу се однесува кон луѓето, тоа навистина никогаш не сум го видела или многу ретко. Кон обичните луѓе. Тој е љубезен, пресретлив, посебен. Сега се збунив, јас не знам како да зборувам за тоа – рече таа.
Рече и дека Јосип е љубител на музика, а понекогаш знае и нешто да ѝ отсвири.
– Имаше свој бенд 16, 17 години, „Изван закона“, дури и компонираше. Свиреше на гитара. Значи има големо искуство во музиката – откри Данијела.
