Анастасија Ражнатовиќ ужива во блажената состојба и одбројува до доаѓањето на нејзината ќерка, а нејзината мајка Цеца Ражнатовиќ едвај чека да го добие третото внуче. Како што истакна, иако е свесна дека ќе следува банкрот бидејќи има многу работи за купување на девојките, таа е пресреќна што нејзиниот дом наскоро ќе биде побогат за уште еден член.
Од почетокот на врската на Анастасија, фолк дивата истакнуваше дека потенцијалниот зет Немања Гудељ е одлично момче, а за тоа говори и фактот што лани во мај во семејниот дом го угости целото семејство на Немања непосредно пред прославата на роденденот на Анастасија.
View this post on Instagram
Сепак, по неколку месеци односите меѓу семејствата на идните родители се заладија, но мислењето за избраникот на ќерката не се промени.
Идната баба конечно проговори и откри како нејзината ќерка ја поднесува бременоста. Цеца имаше само пофални зборови за бременоста на Анастасија бидејќи, како што вели, младата пејачка одлично ги поднесува сите промени кои се нормални во текот на деветте месеци. Но, она што ја загрижува е иднината која следи, која секако нема да биде ни приближно како порано бидејќи ја очекува не толку лесната улога на мајка.
– Кога и да и се јавам на Анастасија, таа спие, сега таа е Шпанка, си отиде од сите нас. Ѝ реков да спие што е можно повеќе бидејќи подоцна, кога ќе стане мајка, никогаш повеќе нема да може да спие мирно – низ смеа рекла Цеца, пренесува српски Свет.
