Британската министерка за надворешни работи Лиз Трас е прогласена за победничка во трката за лидерство на Конзервативната партија, односно за премиер на Обединетото Кралство.
Во трката за функцијата шеф на британската влада, Трас го претекна својот ривал, поранешниот министер за финансии Риши Сунак.
47-годишната Трас така станува трета британска премиерка, после Тереза Меј и Маргарет Тачер.
Да потсетиме, трката за премиер започна во јули, откако Џонсон најави оставка по низата скандали и серијата оставки од функционерите од неговата влада.
