Водителката Бојана Лазиќ, која со поранешниот сопруг и колега Жарко Лазиќ го има синот Матија, откри дека денес многу подобро се разбираат отколку додека биле во брак.
Таа призна дека не успеала да го „освои преку стомакот“ и дека Жарко не бил воодушевен од нејзината кујна.
„Готвев за сопругот, но најчесто се жалеше. Постојано велеше дека ручекот не е ручек ако нема лажица. Милца Тодоровиќ ми кажа: ‘Стави му лажица во салатата и кажи му — пријатно’.
Потекнувам од домаќинско семејство, сите жени кај нас готват, но денес е најлесно да бидеш домаќинка — нарачуваш или купуваш готово. Пред некој ден готвев грашок и половина тенџере фрлив,“ раскажа Бојана.
Иако нема доказ, таа верува дека сопругот ја изневерувал додека живееле заедно. Притоа откри и дека и самата некогаш била во улога на љубовница.
„Веројатно! Се шегувам… Огњен нè запозна. Дали ме изневерувал? Не сум го фатила, но мислам дека да. Не верувам многу во мажите,“ искрено призна Бојана.
Бојана се остварила како мајка на 22 години, а тврди дека денес со Жарко функционираат подобро отколку кога биле во брак.
„Препосветена сум како мајка, тоа ми е од дома. Со Матија имаме прекрасен однос. Го родив на 22 години и тогаш не бев спремна за мајчинство, но растевме заедно. Финансиски сме стабилни и можеме да си дозволиме убави патувања и безгрижен живот. Тој е добар дечко, минатата година поминавме низ тешки вљубувања, тогаш сфатив колку е чувствителен — исто како мене,“ изјави таа за „Блиц“.
За односот со поранешниот сопруг додаде:
„Имаме коректен однос, иако различно гледаме на воспитувањето. Подобро се разбираме сега отколку во бракот — што е доказ дека правилно сме постапиле. За некои работи се согласуваме, за некои не. Јас сум повеќе посветена на Матија, понекогаш и претерувам. Жарко смета дека треба повеќе да се ‘кали’. Ние сме во добри односи, но немаме исти погледи.“
