Пејачoт кој живее во Словенија се пријавил на хрватскиот и германскиот натпревар за Евросонг, а снима и нов албум за Кроација рекордс.
– Со хеликоптер ме донесоа во Дурмитор, среде никаде, каде што има само мечки и волци, а тимот со Лепа Брен отиде на ручек. Ме оставија сам во дивината и не се вратија три часа. Стоев во мојот облак од парфем и умрев од страв. Тоа никогаш нема да го заборавам, се присетува Даниел Поповиќ (67) на снимањето на спотот за песната Југославенка, во кој настапувал и, како што тврди, тоа била одмазда на Лепа Брена бидејќи ја победил во 1983 година на југословенскиот избор за песна за Евровизија – Југовизија, пишува јутарњи.хр.
Со песната „Џули“, тогаш речиси анонимниот пејач од Црна Гора ги „збриша“ фаворитите Лепа Брена и Миша Ковач, а истата година го освои четвртото место на Евровизија. Четириесет години подоцна, Поповиќ има голема желба повторно да запее на сцената на Евровизија, па се пријавил на хрватскиот, но и на германскиот натпревар за песна на Евровизија. Тој вели дека ако Џони Логан може да го направи тоа три пати, тој може да го направи тоа двапати.
– Можеби ќе бидам најстариот натпреварувач таму, но би било охрабрување и признание дека сепак вредам. Мојата нова песна е инспирирана од мојот живот и искуство, стигматизацијата што ја доживеав. Сакам да се претставам како еден вид зрело вино. Кога бев млад, најчесто ги пеев песните што ми ги наметна дискографијата, кои ме пренасочуваа кон комерцијализмот, раскажува Даниел за „јутарњи“, кој последните неколку години живее во Словенија, а сега работи на албум со Кроација рекордс.
