По краткиот период на тишина на социјалните мрежи, кога пејачката Маја Шупут не објавуваше содржини со своето момче Шиме Елез, обожавателите почнаа да се прашуваат дали нивната врска е во криза.
Но, според нови информации, двојката е далеку од раскинување — напротив, подготвуваат уште едно заедничко патување.
Извори блиски до пејачката за „Т-портал“ откриваат дека Маја и Шиме планираат одмор на Бали. Тие ќе патуваат веднаш по новогодишната настап на Шупут во Карловац и концертот во Водице. Наместо снег и скијање, парот повторно избира тропски рај, како што тоа го направи и на почетокот на годинава, кога Шупут престојуваше во Австралија со поранешниот сопруг и нивниот син.
Со оглед на тоа што Маја секогаш споделува фотографии од своите патувања, се очекува и овојпат Инстаграм да се наполни со кадри од егзотичната дестинација.
Последен пат двојката објави заеднички фотографии од нивното патување во Дубаи, каде што уживаа во базени, луксузни вечери и модерни стајлинзи што го привлекоа вниманието на јавноста.
Недостатокот на заеднички објави од 14 ноември наваму беше доволен за дел од фановите да се запрашаат дали врската е завршена. Но, најновите информации јасно покажуваат дека романтичната приказна продолжува и дека Маја и Шиме наскоро ќе ја заменат зимата со сонцето на Бали.
