Живојин Жика Миленковиќ, легендарен српски театарски, филмски и телевизиски актер од Ниш, почина пред 18 години. Тој настапувал во над 30 филмови, преку 300 телевизиски емисии и околу 150 театарски претстави, пишува српски „Блиц“.
Жика започнал кариера во родниот Ниш во 1947 година, а од 1952 година речиси четири децении настапувал во Белградското драмско позориште.
Го паметат по телевизиските хитови „Вруќ ветер“, „Среќни луѓе“, „Лубав на селски начин“ и „Породично благо“, како и по филмовите „Давител против давител“, „Жута“ и „Сок од сливи“.
Тој секогаш нагласувал дека комплексните ликови имаат и свои доблести и свои мани, и дека токму тоа ги прави блиски до вистинскиот живот.
Особено му бил драг ликот Гарца од „Среќни луѓе“: „Гарец е вреден човек, но губитник. Многу го сакав уште од првиот момент, делумно се гледав и себеси во него“.
И покрај големата популарност, Жика својата пензија ја дочека во сиромаштија, со ограничени средства и оброк кој го делел со семејството.
„Суморно и незаслужено. Сè се сведе на една бедна глумачка пензија. Секојдневно мојот внук доаѓаше да ме види и се грижеше за мене“, изјавил тој.
Жика завршил Виша педагошка школа и работел како наставник по книжевност, но глума го повлекла на друг пат. Студијата по книжевност му помогнала да го усоврши глумачкиот занает.
Неговата едноставност, духовитост и топлина го направија еден од најомилените актери на поранешна Југославија.
Денес, неговите улоги остануваат дел од класиката на телевизијата и театарот, а публиката го памети со љубов и почит.
