ОЗборувачкиот сајт Пејџ сикс известува дека холивудскиот глумец Бен Афлек бил незадоволен од медениот месец со Џенифер Лопез во Париз, каде што отишле по венчавката. Причина за тоа било што се чувствувале измалтретирани од опсесивното внимание на папараците.
Бен бил преплашен во Париз. Папараците отише на сосема ново ниво. Тој дури се чувствуваше како принцезата Дијана– рече упатениот.
Изворот истакна дека иако Афлек бил навикнат на блицовите на фотоапаратите, овој пат му било тешко да остане смирен. Самата Лопез посмирено реагирала на упорното внимание на уличните фотографи.
Не е прв пат опсесијата од страна на фоторепортерите да стане проблем за парот. Така, во 2002 година Бен и Џеј Ло дури и ја одложија венчавката поради зголеменото внимание кон нив, а потоа целосно ја откажаа.
Покрај тоа, според Џенифер Лопез, наметливото внимание на нивната романса придонело за да дојде до раскинување на врската. Сепак, минатата година парот ја обнови врската, а пролетта се дозна за нивната свршувачка. Џенифер Лопез и Бен Афлек неодамна се венчаа во Лас Вегас. Според упатените, парот планира да организира прослава по повод венчавката, но не се знае кога ќе се одржи.
