Режисерот на Clerks го призна комплицираниот период кој го доживува оскаровецот Афлек.
Кевин Смит призна дека неговиот пријател и колега Бен Афлек минува низ тежок период во животот. Режисерот изминативе денови присуствуваше на „Сан Диего комик“ и накратко ги спомна проблемите кои Афлек ги доживува во приватниот живот.
Двете холивудски ѕвезди се блиски пријатели веќе со години, толку многу блиски што главниот лик на „Бетмен против Супермен“ на почетокот на неговата кариера глумеше во култен филм во режија на Смит, Генерација X. Од соработката се роди длабоко пријателство кое трае до денес.
„Очигледно, Бен минува низ тежок период“, рече Смит „Или барем тоа го кажуваат во печатот и слично“. Токму поради големото пријателство меѓу Афлек и Смит, сопругата на Смит го советувала да оди на помош на својот пријател.
„Бидејќи сум негов најмалку сигурен пријател и со валкан јазик, жена ми ми рече – Ох, мораш да го контактираш! Мислам дека последна личност што Бен сака да слушне е гунџало што многу зборува“, искрен е Смит.
Кевин Смит и Бен Афлек работеа заедно на филмовите Chasing Amy, Dogma и Clerks II, а Кевин Смит исто така беше режисер на Џенифер Лопез во филмот Jersey Girl. Наскоро, Смит ќе започне со снимање на новиот филм Jay e Silent Bob, а во проектот ќе биде вклучен и Бен Афлек.
