Астролозите велат дека во текот на јули ќе имаме 4 многу предизвикувачки, а можеме да кажеме и опасни денови. Подгответе се за многу турбулентен период во кој ќе има многу промени. Ќе ни се менува расположението, ќе се прашуваме дали сме на вистинскиот пат, ќе се сомневаме во се…
Внимавајте во овие 4 дена!
5 јули – Негативен транзит на Марс и Меркур
Ова е најопасниот ден во месецот. Во исто време ќе се случат два важни астролошки настани – Марс преминува во знакот на Бик, а Меркур во знакот на Рак. И двата настани ќе ги свртат планетите против нас. Марс ќе остане во Бик до 19 август, а за тоа време многумина ќе станат сомничави, недоверливи и малку исплашени. Во многу случаи, сето тоа ќе бидат неосновани стравови, но тоа нема да ни биде голема утеха.
Меркур во Рак е опасен затоа што ќе станеме летаргични, незаинтересирани, безволни. Поради сето тоа, 5 јули ќе биде најлошиот ден за работа, за какви било почетоци. Побарајте го вашето безбедно засолниште, каде што се чувствувате опуштено и безгрижно за полесно да го пребродите овој период.
13 јули – Супермесечина
Супермесечината е најопасниот тип на полна месечина. Таа ќе биде толку блиску до Земјата, што ќе биде многу впечатлива и поголема на небото од вообичаено. Тоа ќе има посилно влијание на нашите животи, среќата и расположението. Месечината ќе биде во Јарец на 13 јули, како резултат на што ќе бидеме малку поповлечени, свртени кон себе. Ќе ни биде поудобно да го поминуваме времето сами отколку во друштво.
16 јули – коњукција на Сонцето и Меркур
Коњукцијата е негативен аспект што најчесто се јавува помеѓу Сонцето и Меркур, бидејќи тие се секогаш на иста страна на Земјата. Астролозите советуваат да не ја напуштате зоната на удобност овој ден, да не одите далеку и да не трошите многу пари. Луѓето на кои суетата им е силна страна би можеле да изгубат се што стекнале во последно време.
28 јули – Почнува ретроградниот Јупитер
Последниот опасен ден во јули е денот на почетокот на ретрофазата на Јупитер. Планетата ќе остане на оваа позиција до 24 ноември. Во овие месеци може да се случат многу лоши работи. Можеме да ја изгубиме моќта на интуицијата, да станеме алчни, бескомпромисни. Најверојатно, на 28 јули ќе го почувствуваме првиот бран на негативност, изразен во форма на чувство на вознемиреност и недостаток на мотивација.
