За првпат јавно, радио- водителката Ана Шутиноска ја покажа својата ќерка Софија, и раскажа на кој начин ѝ се сменил дневниот ритам откако е мајка на две деца.
Пред само еден месец ја роди ќерката Софија, а често можете да ја сретнете како ужива со ќерката во Градскиот парк, одмарајќи на клупа додека таа спие. Новинарката од „Антена 5“ радио, Ана Шутиноска и нејзиниот сопруг Гордан пред две ипол години станаа родители на Бобан, а сега нивната среќа е двојно поголема.
Ана во неколку наврати отворено зборуваше дека и двете деца ѝ се зачнати по пат на вештачко оплодување, и дека целата мака и сите солзи се забораваат многу брзо- кога детето ќе дојде во нејзината прегратка.
За првпат јавно, таа ја покажа својата ќерка, и раскажа на кој начин ѝ се сменил дневниот ритам откако е мајка на две деца.
-Софија неодамна наполни еден месец. Се разбира дека дневниот ритам се смени сега е далеку позабавно. Постојано балансирам помеѓу бебето и тодлерот. Секој си има свои потреби и бараат да бидат задоволени, често и во исто време. Така што живееме во еден позитивен хаос“, раскажа Ана за „Еспресо“.
Иако е позафатена од порано и има помалку време за себе, таа воопшто не е сменета, изгледа одлично и вели дека синот Бобан добро ја прифатил сестра му, со очекувани, мали знаци на љубомора.
-Бобан прилично добро ја прифати промената. Ѝ се радува на Софија од првиот момент кога ја донесовме дома, ја гушка, ја бара кога ќе се врати од градинка. Се разбира дека има и љубоморни епизоди, типични за неговата возраст, но за среќа не траат долго“, додава Шутиноска.
Секое бебе е приказна за себе, а Ана вели дека со сопругот Гордан, кој е по професија стиматолог, добро се организираат околу обврските со двете деца.
-Многу менува сега. Има денови кога е супер мирна, цица, спие, како по книга , (се смее) Има денови кога е повознемирена и плачлива. Би рекла, типично бебе. Со Гордан се организираме соодветно на потребите. Во основа, јас сум повеќе посветена на Софија во моментов, а тој е со Бобо. Нормално, бескрајно сме благодарни и за несебичната помош и поддршка од баба Наде“, раскажува Ана која во моментов е во својот роден град Охрид со децата кај своето семејство, и ова е првото патување на малата Софија.
Шутиноста е активна личност по природа, а освен карактерот, динамичното темпо ѝ го наметна и работата. Радиото во кое рааботи е постојано дел од многу домашни, регионални и светски музички случувања, а често на терен со своите колеги е и Ана.
-Ми фали работата, се разбира. „Антена 5“ е мојот дом повеќе од 15 години, така што ми фали целата работна атмосфера, како и дружбата со целиот тим. Ќе се вратам откако ќе ми заврши боледувањето. Горда сум на сè што досега професионално сум постигнала. Сигурна сум дека ќе има и уште повеќе успеси за кои ќе зборуваме во иднина“, открива Ана.
Фото: Приватна архива
