Пејачката Ана Николиќ реши јавно да проговори за семејните односи и турбулентните периоди од својот живот, теми за кои со години избегнуваше да зборува.
Таа најпрво се осврна на односот со братот Марко, со кого соработувала и деловно, но денес, како што вели, нивната врска е нарушена.
„Во лоши односи сме моментално и не разговараме, затоа што сме како две мазги. Во еден момент ме претвори во растение, па затоа се разделивме, бидејќи јас растение не можам да бидам. Помеѓу работа, пари и брат – го избрав брат ми. Него го сакам единствено како што ја сакам Тара. Го поправаме односот и ќе биде во ред, но кој ќе го врати времето?“, изјави Ана.
Таа откри дека во најтешкиот период ослабела 50 килограми, додека за ќерката се грижеле дадилки, бидејќи не можела постојано да ја носи со себе поради обврските.
Пејачката зборуваше и за загубата на татко ѝ, нагласувајќи дека била силно поврзана со него.
„Кога татко ми почина, го изгубив тој тандем, додека тие останаа силни“, рече таа, алудирајќи на односот меѓу мајка ѝ и брат ѝ.
Осврнувајќи се на односот со мајка ѝ Милјана, Ана призна дека од самиот почеток бил поставен погрешно.
„Тоа е најкомплицираниот однос. Таа сакаше да ми биде другарка. Ме родила млада и кога јас бев девојче, и таа беше тоа. Јас така со Тара не постапувам“, истакна пејачката.
Иако признава дека мајка ѝ го жртвувала животот за неа и за брат ѝ, Ана смета дека жртвата не треба да се претвора во чувство на вина.
„Ако си го направила тоа, немој да бидеш жртва, туку херој – затоа што тоа и си“, порача таа.
Говореше и за односот со музичарот Рале, со кого со години се познава. Иако демантираа свршувачка и свадба, нивната врска, како што вели, е исклучително бурна.
„Олку турбулентен однос немав ни како тинејџерка. Тој молчи, а тоа е класична пасивна агресија. Јас сум пољубоморна, а тој би сакал да има боца со кислород за да ме ограничи. Тој има 60 години, јас речиси 50, а ме блокира“, изјави Ана, додавајќи дека научила да каже „не“, дури и кога тоа не ѝ се допаѓало на семејството.
Ана откри и дека по учеството на Беовизија во 2004 година западнала во депресија.
„Се лекував во Марбеља. Бев во депресија. Живеев за работата, а не сакав да настапувам. Заминав во Атина. За мене тоа беше крај на светот. Сè ми беше сеедно, речиси целосно се откажав“, призна пејачката.
Со оваа исповед, Ана Николиќ отвори дел од својата најинтимна приказна, зборувајќи за семејството, љубовта, менталното здравје и личните падови што, како што вели, ја обликувале во жената каква што е денес.
