Познатиот француски актер и режисер Ален Делон поседува над 80 дела во неговата уметничка колекција кои ќе бидат изложени во повеќе градови низ светот пред аукциската продажба на 22 јуни.
Според аукциската куќа во Париз која ќе ја организира продажбата колекцијата, која се проценува на околу пет милиони евра, содржи слики, скулптури и цртежи од италијанската ренесанса.
Колекцијата ќе биде претставена за време на патувачка изложба во мај и јуни во Њујорк, Хонг Конг, Женева, Лондон и Париз.
„Првиот цртеж го купив во 1964 година, поточно во Лондон. Со текот на годините се здобив со цртежи, слики и скулптури кои ме трогнаа, зборуваа со мене, а понекогаш дури и ме тешеа. Тие дела ме придружуваа долги години и се дел од мојот живот“, изјави Делон.
