Популарната балканска ѕвезда Александра Пријовиќ ја израдува својата публика со новиот студиски албум насловен „Болка и алкохол“. Проектот содржи девет нови песни, а секоја од нив е придружена со високобуџетен видео-спот. Сепак, покрај песните, вистински бум во јавноста предизвикаа провокативните фотографии направени за визуелниот идентитет на албумот.
За овој проект, пејачката го ангажираше светски познатиот моден дизајнер Стефан Роланд (Stephane Rolland). Една од неговите креации во која позираше Пријовиќ ги остави фановите во шок.
Александра сподели фотографија на која позира во широки црни панталони, додека во горниот дел од телото е целосно гола. Таа со рацете едвај ги покрива градите, но она што најмногу привлече внимание е специфичниот детал на нејзиниот грб кој наликува на бодликави крилја.
Покрај смелиот стајлинг, на социјалните мрежи веќе се покрена и голема дискусија за една од новите песни која носи специфичен наслов — „Кабаба“. Обожавателите масовно бараат преводи и го истражуваат потеклото на овој збор во различните јазици за да сфатат која е метафората зад песната.
View this post on Instagram
Еден од нејзините најголеми хитови бил напишан за друг пејач
Уште една интересна естрадна приказна деновиве се поврзува со Пријовиќ. Нејзината култна балада „Све по старом“, која има дури 58 милиони прегледи на Јутјуб, првично воопшто не била наменета за неа.
Песната ја напиша нејзиниот сопруг Филип Живојиновиќ, но ја подготвувал за популарниот „Лексингтон бенд“. Александра самата ја откри оваа тајна на еден од своите концерти, кога јавно му се обрати на пејачот Бојан Васковиќ:
„Боки, само да ти кажам, вие имате толку многу убави песни, па ваљда и јас заслужував една ваква“, се шегуваше Прија, од чија изведба на крајот излезе безвременски хит.
