Како што пренесува Page Six, судот во Лос Анџелес пресудил дека Пачино на својата поранешна партнер мора однапред да ѝ плати 110.000 долари, односно пред да почне да плаќа алиментација, потоа 13.000 долари за медицинска сестра која ја посетува и дека мора да ги покрие сите медицински трошоци кои не се покриени со здравствено осигурување.
Пачино (83) на Нур (54) месечно ќе треба да ѝ исплаќа алиментација од 30.000 долари, а годишно мора да ѝ плати и 15.000 долари како фонд за образување на нивното дете. Алиментацијата треба да ја исплаќа додека детето наполни 18 години, па така до тогаш низ годините ќе треба да ѝ исплати на Нур 6,5 милиони долари.
Судот одлучи дека старатлество над детето ќе имаат и двајцата партнери, а детето ќе живее со мајката.
Потсетуваме дека Нур и Ал Пачино ја прекинаа нивната врска само три месеци по раѓањето на нивното дете.
