Легендарниот холивудски актер го дочека четвртото дете на 83-годишна возраст со својата 29-годишна девојка Нур Алфалах, објави TMZ. Парот е пресреќен поради новата принова во семејството, иако полот на бебето не е соопштен.
Извори блиски до Пачино и Алфалах ја открија нивната возбуда, но точниот датум на раѓање на детето останува непознат. Двојката беше забележана како излегува од хотелот Сансет Тауер во Лос Анџелес откако уживаше во заедничката вечера, а потоа Алфалах седна зад воланот на црниот Ленд Ровер и Пачино на совозачкото седиште. Претставникот на Пачино претходно ја потврди бременоста на Алфалах во мај.
Пачино и Алфалах за прв пат беа видени заедно на состанок на вечера во април 2022 година. Според упатените кои зборуваа за Page Six, нивната врска започнала за време на ковид пандемијата И покрај значителната разлика во годините, бидејќи Пачино е постар од таткото на Алфалах, парот наводно има силна врска.
“The Godfather” actor Al Pacino has become a father for the fourth time at the age of 83, @abcaudio has confirmed.https://t.co/Py63f2jOHv
— Good Morning America (@GMA) June 15, 2023
Пред Пачино, Алфалах е позната по тоа што излегувала со богати постари мажи, претходно била во романса со Мик Џегер и со милијардерот инвеститор Николас Бергруен.
Congratulations to Al Pacino, who just became a new father at the age of 83: https://t.co/WEr9YWjbmR pic.twitter.com/6Ba9PWfhCr
— CONSEQUENCE (@consequence) June 15, 2023
Пачино има три деца од претходните врски: Џули, Оливија и Антон, од поранешните партнерки Јан Тарант и Беверли Д’Анџело. И покрај неговите силни љубовни врски, вклучувајќи ги Дајан Китон и Лусила Сола, Пачино никогаш не бил оженет.
