Џејми Дорнан бил хоспитализиран со „симптоми на срцев удар“ додека бил на одмор во Португалија по средбата со „токсични гасеници“. За оваа непријатна случка проговори пријателот на актерот Гордон Смарт, кој и самиот за малку ќе умрел на теренот за голф, пишува Daily Mail.
41-годишната ѕвезда на „Турист“ и „Педесет нијанси сиво“ беше на одмор со водителот на „Велика Британија, Добро утро“, Гордон Смарт и група другари.
Само еден ден откако го започнале одморот, Гордон рекол дека почувствувал „трнење и непријатно скокоткање во левата рака“, а во болницата му била дијагностицирана зголемена работа на срцето.
Jamie Dornan’s run in with ‘toxic caterpillars’ in Portugal left him hospitalised with ‘heart attack symptoms’ https://t.co/DOW9PeXbAP pic.twitter.com/BNPDkpvpI0
— Daily Mail Online (@MailOnline) January 22, 2024
Откако бил отпуштен, Гордон се вратил во хотелот за да го најде Џејми. Актерот му кажал дека екстремитетите му се вкочанети, а тој завршил во итната медицинска помош.
„Излегува дека наидовме на влакнести токсични гасеници и имавме многу среќа што преживеавме“, призна Гордон.
Ситните влакна на гасениците содржат иритирачки протеин наречен таметопоеин, кој може да предизвика болна иритација на кожата, очите и грлото, осип и, во ретки случаи, алергиски реакции.
„Првиот ден одлично се забавувавме, игравме многу голф, шетавме, пиевме многу вино и потоа продолживме на еспресо и мартини. Следниот ден игравме голф и почнав да чувствувам пецкање во левата страна на раката, а потоа чувство на скокоткање. Татко ми е терапевт, па си помислив: „Обично ова е знак за почеток на срцев удар“, рече водителот.
Загрижен за своето здравје, Гордон отишол во локалниот медицински центар, каде што медицинската сестра открила дека неговиот пулс во мирување е екстремно висок, па возел до најблиската болница.
Гордон рече дека потоа му се затемнило прд видот и се разбудил во болнички кревет прикачен на машина, каде што лекарот го испрашувал што пиел и како ја поминал вечерта.
И кога се вратил во хотелот, го видел својот пријател Џејми кој бил поврзан со медицинска опрема.
„Џејми рече: „О Боже мој. Гордон, околу 20 минути откако си замина, мојата лева рака, левата нога, десната нога се вкочанија и завршив во задниот дел на брзата помош“, според водителот, една недела подоцна го контактирал лекар и му рекол дека симптомите што тој и Дорнан ги опишале може да бидат предизвикани од токсични гасеници.
