Естрадната ѕвезда Светлана Цеца Ражнатовиќ неодамна настапи на свадба како специјален гостин, а цената на нејзиниот хонорар за само половина час пеење изнесуваше дури 30.000 евра.
Пејачката која претходно наводно наплатувала 25.000 евра за еден час пеење, овој пат малку ја подигна цената, пренесуваат српските медиуми.
Кога младенците ја повикале да биде специјална гостинка, нејзиниот тим договорил Светлана да биде на свадбата половина час, а цената за тој настап е 30.000 евра. Бидејќи една песна во просек трае три минути, Ражнатовиќ можела да отпее најмногу десет песни за 30 минути, па според таа пресметка овој брачен пар платил 3.000 евра по песна.
Кога се појавила во свечената сала каде била организирана свадбената веселба, присутните гости буквално скокнале од столчињата и се собрале околу пејачката.
Бројни мобилни телефони биле насочени кон Цеца, која настапот го започнала со песната „Београд“.
