Една од најдобрите пејачки на денешницата Адел призна дека често посегнувала по алкохол, дека не пие три ипол месеци но и дека алкохолот ѝ недостига.
Славната Адел во текот на емисија во Вегас откри дека престанала да пие алкохол пред три месеци и тврди дека била „граничен алкохоличар“ особено во своите дваесетти години. Ѕвездата признава и дека ѝ недостига алкохолот.
„Престанав да пијам можеби пред три и пол месеци, а го исклучив и кофеинот“, рече Адел (35).
Зборувајќи со еден фан, кој се приклучил во емисијата и признал дека пие цел ден, таа му рекла: „Уживај во своето кисело виски. Многу сум љубоморна“.
Адел откри дека за време на заклучувањето во 2020 година, испила четири шишиња вино уште пред ручек.
Во февруари 2022 година, пијаната Адел беше фотографирана како липа во геј бар во Лондон, каде што се соблече до градник и танцуваше на „шипка“ пред топлес танчерките на бината, пред да падне. Сепак, и покрај плановите да остане присебна и трезна, таа планира денови полни со прослави по емисијата во Лас Вегас, по повод роденденот на нејзиниот син Енџел, кој денес на 19 октомври ќе наполни единаесет години.
