Пејачот Аца Лукас пред два дена итно бил примен во Ургентниот центар.
Неговата состојба не се подобри, па мораше да ги откаже сите претстојни концерти, пренесуваат српските медиуми.
Имено, фолкерот вчера имаше закажан настап во клуб во Црна Гора, но тој беше откажан поради лошата состојба на Лукас.
– Ве известуваме дека концертот на Аца Лукас, кој беше закажан за 31.07.2024 г. е откажан поради здравствени причини на изведувачот. Одлуката за откажување не е донесена лесно, но приоритет е безбедноста и благосостојбата на пејачот – се вели во соопштението на клубот.
Одговор даде и менаџерот на Лукас.
– Во следните неколку дена ќе се одложат или откажат концерти поради здравствената состојба на Лукас. Сите со нетрпение го очекуваме неговото брзо закрепнување и продолжувањето на турнејата. За да не се шпекулира, станува збор за висока температура предизвикана од силна настинка, бидејќи Аца имаше преку 30 настапи во претходните 60 дена и му падна имунитетот – напиша на својот Инстаграм профил Саша Мирковиќ, кој е и менаџер на Лукас.
(Видео) „Ајде, целулит на сонце“: Жешката Нивес Целзијус плови на даска за веслање
