Концертот на српскиот фолк пејач Аце Лукас во Битолa, што требаше да се одржи синоќа, неочекувано е одложен за вечерва поради сообраќајна несреќа што ја доживеал пејачот во Македонија, објавија српските медиуми.
Лукас лично се обрати на својата публика преку видеопорака и откри дека имал сообраќајна несреќа, поради што не можел да пристигне во Битолa навреме.
„Драги мои, едно големо извинување ѝ должам на публиката во Битола. Морам јавно да се извинам и да им објаснам. Имав сообраќајна несреќа, еве, погледнете“, рече Аца Лукас во видеото, покажувајќи што се случило.
Тој потврди дека концертот ќе се одржи вечерва (а требаше синоќа), а за сите оние што веќе купиле билети, тие ќе останат важечки.
„Овој концерт, кој требаше да се одржи вечерва во Битолa, ќе се одржи утре вечер. Сите оние што купија билети, секако, тие ќе важат исто како и денеска“, порача пејачот.
Лукас нагласи дека, штом ситуацијата по несреќата се среди, ќе го продолжи своето патување кон Битолa. Како што рече, неговиот бенд е веќе во градот, додека сцената и комплетната организација се подготвени.
По сообраќајната несреќа што ја доживеал во Македонија, пејачот покажа како изгледа автомобилот по силата на ударот.
Лукас објави видео во кое се обрати на својата публика и откри дека доживеал сообраќајна несреќа, а во таа прилика покажа и целосно скршена шофершајбна.
