По напливот на толпата на фестивалот „Астроворлд“ во Хјустон, Тексас, Езра Блаунт(9) кој беше ставен во индуцирана кома почина, пренесува „BBC“.
Езра Блаунт беше на апарати за одржување во живот во болница поради тешка траума на мозокот и органите од концертот на 5 ноември. Тој е најмладиот од 10-те посетители на концертот кои беа убиени откако избувна стампедо за време на главниот настап на раперот Тревис Скот. Стотици други беа повредени кога толпата почна да притиска кон сцената.
Во неделата, адвокат на семејството на Езра Блаунт ја потврди смртта на момчето.
I am saddened to learn of Ezra’s death this evening. Our city tonight prays for his mom, dad, grandparents, other family members and classmates at this time. They will need all of our support in the months and years to come. May God give them strength. RIP Ezra. st #AstroWorld pic.twitter.com/Ankq7FMa3l
— Sylvester Turner (@SylvesterTurner) November 15, 2021
„Смртта на Езра е апсолутно срцепарателна“, рече во изјавата адвокатот за граѓански права Бен Крамп. „Ова не требаше да биде исходот од носењето на нивниот син на концерт“.
Во претходно интервју за локален медиум, таткото на Езра, Трестон Блаунт, рече дека „не е подготвен да го изгуби своето момче“. „Имаме уште многу живот“, опишувајќи како неговиот син бил огромен обожавател на Скот и бил многу возбуден пред настапот.
Напливот на толпата на концертот започна околу 21:15 часот по локално време во петокот, 5 ноември. На фестивалот имаше околу 50.000 луѓе.
„Кога мојот син отиде на концерт, го носеше внук ми на рамо“, изјави дедото на починатото момче. „Сите луѓе се туркаа нанапред, и тој не можеше да дише, па на крајот се онесвести поради сиот притисок што се вршеше врз неговото тело. А кога се онесвести, Езра падна од рамото и падна во толпата“, пренесува „CNN“.
Кога таткото се разбудил, Езра веќе бил однесен во детската болница во Тексас како Џон До, рече тој. „Тие не знаеја ништо за него, дури ни неговото име бидејќи се раздели од мојот син“, рече Бернон Блаунт.
